Till spelmannen Emanuel Andersson, Näset, på 60-årsdagen den 3 sept. 1936
Text: Johannes Frost, Musik: Ewa Nylander-Wiik
Manne Spilman nu ar fyödelsda'n, Du lär uorted iela sjäksti år. Men en ir Du unga, snogga ka'n, Litt o fuotum, da du far og går. Du ir frisk og stark og duktin fårå upp og nid i bjärrum yvyr ollt. Wätest widåoggern lär Du wårå, Knouger ukad ed ir warmt eld kollt. Gambellieka flier eld noger eller dug Du autyr filun Denner fo, og dar Du ir lidun, so Du beller, ir Du mun um sits og strukå å. Sjuova Fuosskall dugd int spilå wilder, åtå an wart frutt og gryvled åv. Nidi kollt og kuolmörkt Buolbeckssilder, dar an ligg og guser, so an stjåv. Frek og yddjelin Du war sos granne, artin, jåplin, gant'n older lied. Ja, Du war og ir ien Iedesmanne, Jajamen, og ed min sturt bistjied. Nu so yönstjum wid att lukka fyer dig i ferdum uondewar Du far, og att emes lemmer irå lyer Du bod dält og snoggt og lyölit ar.Johannes Frost skrev en vers till som inte finns med på Övdalsfuäks version.